جربت هاد العصير جا بنين وخرج ليا بزاف
المقادير حسب الذوق
انا درت 4 حامضات مع 2 برتقالات
مع حوالي كيلو سكر
و لترين او 3 لتر ماء
الطريقة
حكي الحامض واحتفظي بالقشرة المحكوكة ما ترميهااش راها تنفعك في الكيكة ولا الحلوة او حتى في الأكل باش تعطي مذاق الحامض احتفظي بها في حك وحطيه في الثلاجة لحين الاستعمال
قشري الحامض وزولي ليه القشرة البيضة لأنها كتعطي مرورة للعصير وزولي الزريعة
اعملي نفس الشيء للبرتقال
ثم أضيفي السكر والماء وقشرة حامضة وقشرة برتقالة باش تعطي البنة وشويه مرورة للعصير وخلي الطنجرة تطيب لمدة نص ساعة على عافية متوسطة
ملي يطيب خليه يبرد ثم زولي الزريعة الا بقات فيه
صفيه والا بان ليك خاثر اضيفي الماء والسكر حسب الرغبة واحتفظي به في قرعات معقمة في الثلاجة
وعند التقديم صبيه في كؤوس وزينها بدوائر الحامض كما في الصورة او حسب رغبتك
وبالصحة والراحة
وألف صحة وعافية عليكم جربوه راه كيجي بنين وخرج ليا كمية معقولة
موضوع: العصير 
