1 2 3 راح ابدا انا اولا لاسهل عليكم اللعبة وبكل صراحة .
عندما كنت صغيرا اي قبل دخولي الى المدرسة كنت مصر عليها واتمناها من قبلي واغار عندما ارى الاولاد داهبين الى المدرسة المهم كنت اشتري العجينة واللوحة والطبشور ...... الخ لاتمتع بدخولي الى المدرسة وعندما دخلت انبهرت بعدد الاولاد وحسيت انها مرعبة هههههههه بس دخلت عادي للقسم وكي خرجنا للاستراحة كرهت خرجت من المدرسة حسبت روحي كملنا ههههههههه وكي رجعت للبيت زعف علي الوالد هدي اول دكرى ديما نفكر فيها
الثانية هي انو كان عندنا معلم واعر يظرب كنا نخافو منو اكثر من اي حاجة بس الحمد لله تعلمنا منو كان يعطينا الكتابة والواجبات المنزلية كل يوم ومايحب حتى واحد يكتب لك انت تكتب وحدك حافظ خط كل واحد المهم واحد اليوم نتفكرها كيما الان اعطانا عقوبة نكتبو نص نتاع القراءة وراكم تعرفو الكتابة ثقال فيها ونجيبوها عشية رحت لدار فطرت وكتبت شوي بالصح ماكملت رحت كملتها في الطريق تحت جدران والناس تروح وتجي علي ههههههههههه حتى فات علي بابا لقاني داني للمدرسة سول الاستاد قاليه غبت رجعت لدار الظرب وغدا الظرب من عند المعلم ههههههههه
الثالثة الحمد لله رغم كل شيء يوم عيد العلم تحصلت على جائزة وفرحنا في القسم والمدرسة والبيت سنواتي الاولى في الدراسة كانت رعب كاننا في الارهاب الاساتدة واعرين بالصح بقاو في الداكرة وعلموني الحياة وكل حاجة ربي يجازيهم خير
اما عن حلمي فيختلف حسب الظروف كان بودي نكون طبيب لانو اختصاصي علوم تجريبية حبيت نواصل بالصح هدا العام نتاع الباك حسيت بالفشل في هده الشعبة لانها صعيبة خاصة في سنواتها الاخيرة وفي نفس الوقت بفضل استاد الاجتماعيات واخدي لنضرة على مادة الفلسفة تحول اهتمامي الى شعبة اخرى هي اداب وفلسفة المهم ان شاء الله ننجح في علوم ادا مانجحت نحول حلمي الى شعبة اخرى لي نحقق بيها مجال السياسة لاني مهووس بهدا المجال المهم ان شاء الله تتحقق احلامي واحلامكم اصدقائي الاعزاء.
اتمنى ان يعجبكم الموضوع وتحكو عن حياتكم بصراحة مثلي انا دون خجل وشكرا لانكم انتم من علمني الابداع واخراج ما في القلب.
موضوع: دكريات الماضي الجميلة وتامل المستقبل بنجاح . 
